Հունվարի 27-ից ջերմաստիճանը կբարձրանա

ԵՐԵՎԱՆ, 25 ՀՈՒՆՎԱՐԻ, Times.am: Հանրապետության տարածքում` հունվարի 27-ին առանձին շրջաններում, 28-ին, 29-ի գիշերը շրջանների մեծ մասում, 29-ի ցերեկը Սյունիքում և Արցախում սպասվում են տեղումներ, լեռնային շրջաններում` ձյան, նախալեռնային և հովտային գոտում` անձրևի տեսքով:

ԱԻՆ հիդրոմետ ծառայությունից հայտնում են, որ հունվարի 26-ին և 30-ին սպասվում է առանց տեղումների եղանակ։ Քամին՝ հարավ-արևմտյան` 3-8 մ/վ։

Օդի ջերմաստիճանը 27-28-ն աստիճանաբար գիշերը կբարձրանա 6-7, ցերեկը՝ 3-4 աստիճանով:

Երևան քաղաքում հունվարի 27-28-ը, 29-ի գիշերը սպասվում է կարճատև անձրև։ Հունվարի 26-ին, 29-ի ցերեկը և 30-ին սպասվում է առանց տեղումների եղանակ։