Ես չեմ պատրաստվում բանակցել Կիևի անունից․ Թրամփ
Կարդացեք նաև
ԱՄՆ նախագահ Դոնալդ Թրամփը մեկնել է Ալյասկա, որտեղ նախատեսված է նրա գագաթնաժողովը Վլադիմիր Պուտինի հետ․ նա հայտարարել է, որ տեսնում է Ռուսաստանի հետաքրքրությունն ԱՄՆ տնտեսական ներուժի նկատմամբ։ Թրամփը նշել է, որ պատրաստ է քննարկել բիզնեսի հարցեր Պուտինի հետ, եթե հնարավոր լինի առաջընթաց գրանցել Ուկրաինական հարց ԱՄՆ առաջնորդն ընդգծել է, որ նախատեսում է քննարկել տարածքների հարցը Պուտինի հետ, սակայն կարծում է, որ այս հարցի վերաբերյալ որոշումը պետք է կայացնի Կիևը։
«Ես չեմ պատրաստվում բանակցել Կիևի անունից։ Ես այստեղ եմ՝ բոլորին բանակցային սեղանի շուրջ բերելու համար», – նշել է Սպիտակ տան ղեկավարը։
Անդրադառնալով Ուկրաինային անվտանգության երաշխիքներ տրամադրելու հեռանկարին՝ Էրամթն ասել է, որ դա հնարավոր է Եվրոպայի և այլ երկրների մասնակցությամբ՝ բացառելով Կիևին անվտանգության երաշխիքների տրամադրումը ՆԱՏՕ-ի ձևաչափով։ Թրամփը հավատացած է, որ Ռուսաստանը կբախվի «ծանր տնտեսական հետևանքների», եթե Ալյասկայի գագաթնաժողովը առաջընթաց չբերի ուկրաինական հարցի շուրջ Նա հայտարարել է, որ հաջորդ շաբաթ մտադիր է մաքսատուրքեր սահմանել պողպատի և միկրոչիպերի ներմուծման վրա։
Հետևեք մեզ նաև Telegram-ում