Իրանն ու Պակիստանը ահաբեկչության դեմ պայքարում համագործակցության անհրաժեշտություն են տեսնում

Իրանական IRNA գործակալությունը հայտնում է, որ  Իրանի Գերագույն ազգային անվտանգության խորհրդի քարտուղար Ալի Լարիջանին Իսլամաբադում հանդիպել է Պակիստանի բանակի շտաբի պետ, ֆելդմարշալ Սայեդ Ասիմ Մունիրին։

Իրանական գործակալության փոխանցմամբ՝ հանդիպման ընթացքում Սայեդ Ասիմ Մունիրն ընդգծել է Իրանի հետ ավելի սերտ համագործակցության անհրաժեշտությունը՝ ահաբեկչության դեմ պայքարի և երկու հարևանների առջև ծառացած անվտանգության մարտահրավերների հաղթահարման գործում։

Հաղորդվում է, որ Ալի Լարիջանին ընդգծել է երկու երկրների միջև համակարգման և համագործակցության կարևորությունը՝ տարածաշրջանային մարտահրավերներին դիմակայելու և երկարաժամկետ կայունություն ապահովելու համար։

Հետևեք մեզ նաև Telegram-ում