Պատրաստ ենք ցույց տալ մեր ուժը ցանկացած չար ուժի դեմ, թող Իրանը չմոռանա դա. Իլհամ Ալիև
Կարդացեք նաև
ԱԽ նիստի ժամանակ Ադրբեջանի նախագահ Իլհամ Ալիևը հայտարարել է․ «Նախիջևանի Ինքնավար Հանրապետության տարածքը ենթարկվել է Իրանի պետության կողմից անօդաչու թռչող սարքերով հարձակման։ Հրդեհի թիրախները քաղաքացիական օբյեկտներն էին։
Նախիջևանի միջազգային օդանավակայանը, դպրոցը և այլ տարածքներ ենթարկվել են Իրանի կողմից գնդկոծության: Ադրբեջանական պետությունը խստորեն դատապարտում է այս նողկալի ահաբեկչական գործողությունը, և այն կատարողները պետք է անհապաղ պատասխանատվության ենթարկվեն։
Իրանի պաշտոնյաները պետք է բացատրություն տան ադրբեջանական կողմին, պետք է ներողություն խնդրեն, և այս ահաբեկչական գործողությունը կատարողները պետք է քրեական պատասխանատվության ենթարկվեն
Իրանական կողմին բազմիցս տեղեկացվել է, հատկապես անցյալ տարի տեղի ունեցած բախումներից հետո, որ Ադրբեջանի տարածքը չի օգտագործվի որևէ հարևան պետության դեմ։
Մենք դա թույլ չենք տա, ինչպես որ երբեք թույլ չենք տվել։ Որովհետև դրա համար որևէ հիմք չկար։ Ադրբեջանը ո՛չ այն ժամանակ, ո՛չ էլ այս անգամ չի մասնակցել Իրանի դեմ գործողություններին և չի մասնակցի։
Որովհետև սա մեր դիրքորոշումն է։ Մենք որևէ շահագրգռվածություն չունենք հարևան երկրների դեմ որևէ գործողություն իրականացնելու հարցում, և մեր քաղաքականությունը թույլ չի տալիս դա։ Մենք պաշտպանում ենք և պաշտպանել ենք մեր տարածքային ամբողջականությունը։
Ինչպես որ վերջ ենք դրել «հայկական օկուպացիային», այնպես էլ պատրաստ ենք ցույց տալ մեր ուժը ցանկացած չար ուժի դեմ, և թող Իրանը չմոռանա դա։ Նրանց կողմից կատարված այս ահաբեկչական գործողությունը, ինչպես նաև մյուս բոլոր տգեղ գործոնները, մեծ անշնորհակալության օրինակ են։
Բոլոր հանձնարարականները տրվել են։ Ադրբեջանում Իրանի դեսպանը կանչվել է Արտաքին գործերի նախարարություն, կտարվի բողոքի նոտա, և կձեռնարկվեն այլ դիվանագիտական քայլեր։ Սահմանի վերաբերյալ տրվել են համապատասխան հանձնարարականներ»,-ասել է Ալիևը:
Հետևեք մեզ նաև Telegram-ում