Չի ապացուցվել, որ Դավիթ Համբարձումյանը եղել է դեպքի վայրում՝ խմբի կազմում

Համաբարձումյանի պաշտպան Գայանե Պապոյանն ուշադրություն է հրավիրել այն հանգամանքին, որ տուժող ճանաչված երկու եղբայրները հակասական ցուցմունքներ են տվել, առավելապես գերակշռել են արդարացնող բնույթի ցուցմունքները, սակայն առաջին ատյանի դատարանը, պարտավոր լինելով գնահատել ցուցմունքներն օբյեկտիվ ապացույցի՝ տեսանյութի հետ, չի համադրել դրանք։ Փոխարենը՝ դատարանը ցուցմունքները գնահատել է որպես ապացույց չհետազոտված օպերատիվ տեղեկությունների հետ՝ իբրև ճնշումների վերաբերյալ։ Ըստ նրա՝ թեև առաջին ատյանի դատարանը նշել է, որ Արա Պողոսյանը և Դավիթ Համբարձումյանն առերես հարցաքննվել են, որի ընթացքում Պողոսյանը պնդել է իր ցուցմունքները, սակայն առկա չէ որևէ փաստ, որ նրանց միջև առերես հարցաքննություն է եղել։ Մյուս տուժողի մասնակցությամբ Դավիթ և Գոռ Համբարձումյանների մասնակցությամբ առերեսում եղել է, սակայն տուժողը նշել է, որ տեսնելով Համբարձումյաններին՝ հասկացել է, որ նրանք կապ չունեն դեպքի հետ։