Շախմատի աշխարհի 14-րդ չեմպիոն Վլադիմիր Կրամնիկն իր մեկնաբանությունն է տվել Սոչիում ընթացող Մագնուս Կարլսեն-Վիշվանաթան Անանդ աշխարհի չեմպիոնի կոչման համար մրցախաղի 6-րդ տուրի վերաբերյալ: Հիշեցնենք, որ 6-րդ տուրում Կարլսենը հաղթանակ տոնեց և այժմ դիմակայության հաշիվը 3.5:2.5 է` հօգուտ նորվեգացու:
«Շատ տարօրինակ պարտիա էր: Հավանաբար մեծ ազդեցություն է ունեցել շախմատիստների նյարդային վիճակը: Մի պահ երկուսն էլ շատ անմիտ գործեցին: 26-րդ քայլին Մագնուսը պարտվող քայլ կատարեց, իսկ Վիշին ճիշտ ժամանակին չնկատեց դա: Դրանից հետո նա, հավանաբար, հասկացավ, որ սխալվել է, իսկ դրանից հետո շատ բարդ է խաղալը: Անանդը շփոթվեց և պարտիայի մնացած հատվածն անհաջող անցկացրեց: Անանդը ոչ թե հենց այնպես պարտվեց, այլ շատ ցավալի և անփույթ պարտություն կրեց:
Ինքս մասնակցել եմ աշխարհի չեմպիոնի կոչման համար մրցախաղի և գիտեմ` նյարդային դրությունը մեծ ազդեցություն է ունենում: Դա այս անգամ տեղի ունեցավ Անանդի հեռ: Կարծում եմ` ծանր հարված է: Հետաքրքիր է տեսնել` կկարողանա՞ նա հաղթահարել այս հարվածը: Ինքս գիտեմ, որ շատ բարդ է խաղալ այնպես, կարծես ոչինչ չի եղել, երբ մրցակցիդ զիջել ես հաղթանակդ»,-Կրամնիկի խոսքը մեջբերված է «ТАСС»-ից:
