ՀՀ սպորտի և երիտասարդության հարցերի նախարար Գաբրիել Ղազարյանը շնորհավորել է ուսանողներին` միջազգային տոնի կապակցությամբ:
«Ջերմորեն շնորհավորում եմ բոլորիդ Ուսանողության միջազգային օրվա կապակցությամբ, մաղթում հաջողություններ ուսման մեջ, հետագա մասնագիտական ձեռքբերումներ և ամենալայն հնարավորություններ` կերտելու ձեր հետաքրքիր և ազգօգուտ աշխատանքային կենսագրությունը: Դուք, լինելով հասարակության ամենաակտիվ ներկայացուցիչները, նոր և առաջադեմ գաղափարներով ձեր անուրանալի ներդրումն ունեք մեր երկրի առաջընթացի և ձեռքբերումների մեջ: Դուք նաև այն երիտասարդներն եք, ովքեր իրենց գիտելիքների և նորարարական գաղափարների շնորհիվ կարողանում են առաջարկել բոլո ր ոլորտներում առկա խնդիրների համարձակ լուծումներ` այդ թվում նաև սպորտի և նամանավանդ երիտասարդների հիմնահարցերին վերաբերվող բնագավառներում:
Սիրելի ուսանողներ, մեկ անգամ ևս շնորհավորում եմ Ուսանողության միջազգային օրվա կապակցությամբ, մաղթում եմ անձնական երջանկություն, ամուր առողջություն, կրթական նորանոր բարձունքներ և համարձակ նախաձեռնություններ՝ ի շահ մեր երկրի և պետության»,-«Արմենպրես»-ի հաղորդմամբ, ասված է շնորհավորանքի խոսքում:
1946 թվականի նոյեմբերի 17-ին Պրահայում Ուսանողների համաշխարհային կոնգրեսը այդ օրը հռչակել է Ուսանողության միջազգային օր:
