Կռիվ տվեցիք Սամվել Կարապետյանի նկարների հետ, հիմա էլ կռիվ եք տալիս անվան հե՞տ. Գոհար Մելոյան
Կարդացեք նաև
«Հայաստանում այլևս վտանգված է ժողովրդավարությունը, հերթական կարմի գիծը հատեցին ու այդ կարմիր գիծը հատում են, որովհետև վախենում են իրենց աթոռի կորստից»,-ֆեյսբուքյան եթերում ասաց սահմանադրական իրավունքի մասնագետ, «Ուժեղ Հայաստան» կուսակցության անդամ Գոհար Մելոյանը՝ շարունակելով.
«ԱԺ-ում ՔՊ-ն Ընտրական օրենսգիրք սահմանադրական օրենքի փոփոխությունների և լրացումների նախագիծ է բերել, որով արգելում են կուսակցությունների, դաշինքների կողմից անձնանունների կիրառումը։
Կռիվ տվեցիք Սամվել Կարապետյանի նկարների հետ, հիմա կռիվ եք տալիս անվան հե՞տ։
Չի ստացվելու, որովհետև կա մի բացարձակ ճշմարտություն և մեր քաղաքական ուժը կռիվ է տալիս այդ ճշմարտության վերականգնման համար։ Հայաստանի Հանրապետությունում իշխանության աղբյուրը ժողվուրդն է և անկախ այն իրավիճակից, թե քաղաքացին մեր քաղաքական ուժին ձայն կտա, երկրորդին, թե երրորդին՝ դուք իրավունք չունեք միջամտելու ընտրական գործընթացներին։
Վենետիկի հանձնաժողովը ընտրական գործընթացների համար ունի վարքագծի կանոնագիրք, որով արգելվում է ընտրական գործընթացիցի մեկ տարի առաջ որևէ միջամտություն և փոփոխություն ընտրական օրենսգրքերում, որպեսզի կայուն և կանխատեսելի լինի ընտրական օրենսդրությունը և ընտրական կանոնակարգումները։
Հիմա դուք փորձ եք անում թույլ չտալ, որպեսզի Սամվել Կարապետյանի անունը կիրառվի ընտրական պրոցեսում։
Հասկանալի է, որ այս իշխանությունը խուճապի մեջ է թվերից, իսկ թվերը խոսում են մի բանի մասին՝ ժողովուրդն իր համար ունի ընտրյալ և ուզում է փոփոխություն։
Փաստերով խեսենք. Մարտի 31-ին կնքվել է դաշինքը և հայտարարվել, որ մենք՝ «Ուժեղ Հայաստան» կուսակցությունը այլևս ընտրական գործընթացներին մասնակցելու ենք որպես «Ուժեղ Հայաստան՝ Սամվել Կարապետյանի հետ» դաշինքով; Ապրիլի 13-ից ԿԸՀ-ն մեկնարկում էր գործընթացներին մասնակցող քաղաքական ուժերի փաստաթղթերի ընտրությունը։
Այս քաղաքական ուժը փորձում է այս միջակայքում, երբ մի քանի օր է մնացել, անգամ՝ ոչ ամբողջական շաբաթ, փաստաթղթերի ընդունման մեկնարկին, այսպիսի բացահայտ միջամտություն թույլ տալ և խախտել խաղի կանոնները։
Սա միայն կռիվ չէ մեր քաղաքական ուժի հետ, այլ կռիվ է ընտրական իրավունք ունեցող յուրաքանչյուր մարդու հետ, կռիվ է մեր պետության իրավական և ժողովրդավար լինելու հետ։
Մի բան են սովորել հակառակորդից՝ գնալով խախտում են ժողովրդավարության բաստիոնի սկզբունքները։
Հայեր ջան, կոչ եմ անում՝ բարձրաձայնեք։ Վաղը մեր երկրում տեղի է ունենալու հերթական ապօրինությունը, իրենք հրավիրում են ԱԺ արտահերթ նիստ, որը մեր երկրի համար անընդունելի է։ Կոչով դիմում եմ նաև մեր միջազգային գործընկերներին՝ խուսափե՞լ և վախենո՞ւմ եք փոփոխություններից, բայց հայ ժողվուրդն արդեն կատարել է իր ընտրությունը, Հայաստանն ունենալու է նոր վարչապետ, այդ վարչապետը լինելու է Սամվել Կարապետյանը ու ինչքան էլ նման միջամտություններ թույլ տաք՝ չեք հաջողելու։ Փոփոխությունները գալիս են և սպասել չեն տալու իրենց»
Հետևեք մեզ նաև Telegram-ում