Ինչպես արդեն տեղեկացրել ենք, նոյեմբերի 18-ը ՖԻՖԱ-ի օրացույցով ընկերական հանդիպումների օր է: Քիչ առաջ ավարտվել է ևս 3 խաղ: Իտալիայի հավաքականը տնային խաղում հաղթել է Ալբանիային: «Լուիջի Ֆերարիս» մարզադաշտում կայացած խաղն ավարտվել է 1:0 հաշվով, միակ ոլը խփել է Օկակա Չուկան:

Լեհաստանը սեփական հարկի տակ Շվեյցարիայի հետ ոչ-ոքի խաղացել՝ 2:2: «Մեյսկի» մարզադաշտում կայացած խաղի ժամանակ գոլերի հեղինակներ են դարձել Անդրեյ Յենջեյչիկը, Արակդյուշ Միլիկը՝ Լեհաստանի ընտրանուց և Յոսիպ Դրմիչն ու Ֆաբիան Ֆրայը՝ շվեյցարացիների կազմում:

Իռլանդիան իր հարկի տակ 4:1 հաշվով ջախջախել է ԱՄՆ-ի հավաքականին: «Ավիվա» մարզադաշտում տեղի ուենցած խաղում դուբլ է ձևակերպել Ռոբերտ Բրեյդին, աչքի են ընկել Էնթոնի Պիլկինգտոնը և Ջեյմս Մակլինը, ամերիկացիների կազմում հեղինակության գնդակը խփել է Միկել Դիսկերուդը:

Ընկերական խաղեր

Իտալիա-Ալբանիա` 1:0
Գոլը` Չուկա 82՛

Լեհաստան-Շվեյցարիա` 2:2
Գոլերը` Յենջեյչիկ 45՛, Միլիկ 61՛ –  Դրմիչ 4՛, Ֆրայ 87՛
Հեռացում` Ժիրո 83՛

Իռլանդիա-ԱՄՆ` 4:1
Գոլերը` Պոլինգտոն 7՛, Բերյդի 55՛, 86՛, Մակլին 82՛ – Դիսկերուդ 39՛