Հեգսեթը չի բացառել վնասված ռազմաբազաներից ամերիկյան զորքերի դուրսբերումը

ԱՄՆ պաշտպանության նախարար Փիթ Հեգսեթը չի բացառել, որ Իրանի հետ հակամարտության ընթացքում վնասված որոշ ռազմաբազաներից ամերիկյան զորքերը կարող են դուրս բերվել։

«Այդ որոշումը կընդունի նախագահ Դոնալդ Թրամփը, սակայն այն կախված կլինի նրանից, թե ինչ ուղի կընտրենք առաջ շարժվելու համար։ Մենք դրական ենք գնահատում տարածաշրջանում մեր գործընկերային հարաբերությունները։ Այս որոշումները կընդունվեն՝ հաշվի առնելով հակամարտության արդյունքները», -հայտարարել է ԱՄՆ պաշտպանության նախարարը։

Հեգսեթի խոսքով՝ Վաշինգտոնը շարունակում է գնահատել տարածաշրջանային անվտանգության իրավիճակը և հետագա քայլերը կկայացվեն ռազմավարական առաջնահերթությունների ու առկա զարգացումների հիման վրա։

Հետևեք մեզ նաև Telegram-ում