ԻՀՊԿ-ն պնդում է, որ Քուվեյթի օդանավակայանին հասցված վնասը եղել է Patriot համակարգի սխալի հետևանք

Իրանի Իսլամական հեղափոխության պահապանների կորպուսի (ԻՀՊԿ) ներկայացուցիչ Հոսեյն Մոհեբին հայտարարել է, որ Քուվեյթի օդանավակայանի ուղևորային տերմինալին հասցված վնասը չի եղել իրանական հարվածի արդյունք։

Ինչպես հաղորդում է IRIB-ը, Մոհեբիի խոսքով՝ միջադեպը տեղի է ունեցել ամերիկյան Patriot հակաօդային պաշտպանության համակարգի աշխատանքի խափանման հետևանքով։

«Քուվեյթի օդանավակայանի ուղևորային տերմինալի վնասումը դարձել է ամերիկյան Patriot համակարգերի սխալի հետևանքը, որոնք իրանական հրթիռների խոցման անհաջող փորձից հետո ընկել են տվյալ տերմինալի վրա»,-նշել է ԻՀՊԿ-ի ներկայացուցիչը։

Նա նաև ընդգծել է, որ Իրանը չի թիրախավորում քաղաքացիական օբյեկտներ և չի իրականացրել հարվածներ Քուվեյթի օդանավակայանի ենթակառուցվածքների նկատմամբ։

Այս պահին Քուվեյթի կամ ԱՄՆ պաշտոնական կառույցները չեն հաստատել ԻՀՊԿ-ի ներկայացրած վարկածը, և հրապարակված տեղեկությունները դեռևս անկախ հաստատում չեն ստացել։

Հետևեք մեզ նաև Telegram-ում