Ռուբիոն ու Հնդկաստանի ԱԳՆ-ն քննարկել են Հորմուզի նեղուցի վերջին իրադարձությունները
13/06/2026 20:28
Կարդացեք նաև
ԱՄՆ պետքարտուղար Մարկո Ռուբիոն հեռախոսազրույց է ունեցել Հնդկաստանի արտաքին գործերի նախարար Սուբրամանյամ Ջայշանկարի հետ։
«Արմենպրես»-ի փոխանցմամբ՝ այս մասին հաղորդագրություն է տարածել ԱՄՆ պետդեպարտամենտը։
Նշվում է, որ երկու պաշտոնյաները քննարկել են Հորմուզի նեղուցում տեղի ունեցած վերջին իրադարձությունները:
ԱՄՆ պետքարտուղարը շեշտել է, որ բոլոր առևտրային նավերը պետք է անհապաղ կատարեն ԱՄՆ ուժերի հրահանգները, քանի որ նրանք ձգտում են պահպանել նեղուցում խաղաղությունն ու անվտանգությունը:
Ռուբիոն ընդգծել է, որ «ԱՄՆ-ի կողմից Հորմուզի նեղուցի շրջափակման խախտումները և իրանական նավթի անօրինական տեղափոխումը չեն հանդուրժվի»:
ԱՄՆ զինուժը 2026 թվականի ապրիլից շրջափակել է Հորմուզի նեղուցից արևելք հատվածը՝ Օմանի ծոցում և Արաբական ծովում: ԱՄՆ բանակի կենտրոնական հրամանատարությունը նշել էր, որ շրջափակումը կվերաբերի դեպի իրանական նավահանգիստներ և հակառակ ուղղությամբ երթևեկող բոլոր նավերին։
Հետևեք մեզ նաև Telegram-ում