Իսլամաբադի հուշագիրը պատմական փաստաթուղթ է․ Մասուդ Փեզեշքիան
18/06/2026 15:17
Կարդացեք նաև
Իրանի նախագահ Մասուդ Փեզեշքիանը Իսլամաբադում ստորագրված հուշագիրը բնութագրել է որպես պատմական փաստաթուղթ՝ ընդգծելով, որ այն ուժեղ Իրանի ուղերձն է աշխարհին։
«Սա պատմական փաստաթուղթ է և ուժեղ Իրանից հղվող ուղերձ. խաղաղությունը կհաստատվի փոխադարձ հարգանքի պայմաններում»,-գրել է նա X սոցիալական հարթակում։
Փեզեշքիանի խոսքով՝ Իրանի Իսլամական Հանրապետությունը մշտապես հավատարիմ է եղել համընդհանուր խաղաղության գաղափարին՝ միաժամանակ պահպանելով իր արժանապատվությունն ու անկախությունը։
Նա նաև նշել է, որ Թեհրանը շարունակելու է աջակցել առաջընթացին և տարածաշրջանային համագործակցության զարգացմանը՝ դրանք դիտարկելով կայունության և խաղաղ համակեցության կարևոր նախադրյալներ։
