Իշխան Սաղաթելյանի տունը խուզարկել են՝ ԴԱՀԿ-ի պահանջները չկատարելու հիմքով

23/06/2026 11:24

ԴԱՀԿ-ի պահանջները չկատարելու հիմքով խուզարկել են Իշխան Սաղաթելյանի բնակարանը։

Նրա փոխանցմամբ՝ առգրավել են տան զարդերը և որոշակի գումար։

«Սա վերջին 7 տարիների ընթացքում իրականացվող հետապնդումների հերթական դրսևորումն է, հերթական ապօրինի գործընթացը»,- նշել է Սաղաթելյանը։

Նրա խոսքով՝ ԴԱՀԿ-ին ներքաշել են այս գործընթացի մեջ, և կառույցը, ըստ իրեն, ապօրինի պահանջներ է ներկայացրել։

«Իմ տարրական իրավունքները պաշտպանելու համար դիմել եմ Վարչական դատարան»,- հայտարարել է Սաղաթելյանը։