«Առավոտ»-ում կարդում ենք. «Երևանի կենտրոնը խեղդվում է նորակառույցներով։ Կառուցապատողները կենտրոնում հենց մի քանի մետր ազատ տարածք են տեսնում, «զավթում են»։ Մայրաքաղաքի կենտրոնում ամեն քայլափոխի նոր կառուցվող շենքերի ենք հանդիպում կամ՝ շինարարության համար նախատեսված հսկայական փոսերի` կատլավանների։ Մարդիկ ասում են՝ այսպես եթե շարունակվի, շուտով ոչ զբոսնելու, ոչ էլ` «ասեղ գցելու» տեղ չի մնա։ Ամիրյան-Կողբացի անկյունը երկար ժամանակ է՝ ինչ շինհրապարակի է վերածված. վերջը չի երևում, իսկ Մհեր Մկրտչյան փողոցում, թվում էր, թե էլ ազատ տարածք չի մնացել, բայց կառուցապատողները տեղը գտել են, տարածքը գրավել, կատլավանն էլ` փորում են»: