Իրանը հայտարարել է Հորմուզի նեղուցում երկրորդ առևտրային նավի գնդակոծման մասին

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ կիրակի օրը հարված է հասցրել Հորմուզի նեղուցով անցնող երկրորդ առևտրային նավին։ Այդ մասին հաղորդում է Իրանի պետական IRIB հեռուստաընկերությունը։

ԻՀՊԿ-ի հայտարարության համաձայն՝ գնդակոծվել է երկրորդ նավը, որը, ըստ իրանական կողմի, խախտել է Հորմուզի նեղուցով անցնելու սահմանված կանոնները։

Նշվում է, որ երկու առևտրային նավերն էլ հարձակման են ենթարկվել այն բանից հետո, երբ Իրանը հայտարարել էր Հորմուզի նեղուցը փակելու մասին։

Ավելի վաղ ԱՄՆ-ի Կենտրոնական հրամանատարությունը (CENTCOM) հայտնել էր, որ կիրակի գիշերը ամերիկյան զինված ուժերը հերթական հարվածներն են հասցրել Իրանի տարածքին՝ ի պատասխան Հորմուզի նեղուցում Կիպրոսի դրոշի ներքո նավարկող առևտրային նավի գնդակոծության։

Հետևեք մեզ նաև Telegram-ում