CENTCOM-ը հայտարարել է Իրանի դեմ ծովային անօդաչուների առաջին մարտական կիրառման մասին

ԱՄՆ Կենտրոնական հրամանատարությունը (CENTCOM) հայտարարել է, որ առաջին անգամ մարտական պայմաններում կիրառել է ծովային անօդաչու համակարգեր Իրանի դեմ իրականացված գործողության ընթացքում։

Հրամանատարության հաղորդագրության համաձայն՝ նախորդ օրը CENTCOM-ի ուժերը մի քանի միակողմանի հարվածային մակերևութային անօդաչու սարքերի միջոցով հարվածել են Իրանում գտնվող սուզանավերի և նավերի տեխնիկական սպասարկման օբյեկտին։

CENTCOM-ի տվյալներով՝ Corsair դասի երեք անօդաչու մակերևութային նավ խոցել են Բենդեր Աբբասի ռազմածովային բազայի նավահանգիստը։ Հրամանատարությունը նշել է, որ սա առաջին դեպքն է, երբ ամերիկյան զինված ուժերը մարտական գործողությունների ընթացքում կիրառել են ծովային անօդաչու համակարգեր։

ԱՄՆ կողմի պնդմամբ՝ գիշերային հարվածների արդյունքում նվազեցվել են Իրանի հնարավորությունները՝ շարունակելու հարձակումները առևտրային նավարկության դեմ։

Իրանի իշխանությունները CENTCOM-ի այս հայտարարության վերաբերյալ առայժմ պաշտոնական մեկնաբանություն չեն ներկայացրել։

Հետևեք մեզ նաև Telegram-ում