Իրանը չի վերահսկում Հորմուզի նեղուցը․ CENTCOM
Կարդացեք նաև
ԱՄՆ Զինված ուժերի Կենտրոնական հրամանատարությունը (CENTCOM) հերքել է Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի հայտարարությունը, թե Թեհրանը վերահսկում է Հորմուզի նեղուցի մուտքն ու ելքը։
CENTCOM-ի հայտարարության համաձայն՝ ԻՀՊԿ-ի պնդումը, թե միջազգային նավերը կարող են օգտվել միայն Իրանի հետ համաձայնեցված երթուղիներից, չի համապատասխանում իրականությանը։
«Իրանը չի վերահսկում Հորմուզի նեղուցը։ Միջազգային այս ծովային ուղին շարունակում է բաց մնալ տարանցման համար՝ չնայած ԻՀՊԿ-ի հնչեցրած սպառնալիքներին և իրականացրած հարձակումներին», – նշվում է հաղորդագրության մեջ։
Գերատեսչության տվյալներով՝ առևտրային նավերը շարունակում են անցնել նեղուցով ԱՄՆ զինված ուժերի աջակցությամբ։ Նշվում է, որ մայիս ամսից ի վեր ամերիկյան ուժերն աջակցել են ավելի քան 900 նավի անվտանգ տարանցմանը։
Հետևեք մեզ նաև Telegram-ում