UKMTO-ն հաստատել է Սաուդյան Արաբիայի ափերի մոտ տանկերի վրա իրականացված հարձակումը

Մեծ Բրիտանիայի ծովային առևտրի գործողությունների վարչությունը (UKMTO) հայտնել է, որ Սաուդյան Արաբիայի ափերի մոտ հարձակման է ենթարկվել նավթատար տանկեր։

Ըստ հաղորդագրության՝ նավը հրթիռակոծվել է Ալ-Շուկայք քաղաքից մոտ 70 ծովային մղոն հարավարևմուտք գտնվող հատվածում։

Հարձակման հետևանքով տանկերի վրա հրդեհ է բռնկվել, և անձնակազմը ներկայումս փորձում է մարել կրակը։ Այլ մանրամասներ կամ հնարավոր զոհերի վերաբերյալ տեղեկատվություն առայժմ չի հրապարակվել։

Հետևեք մեզ նաև Telegram-ում