Ազգային ժողովում ՀՀ նախագահի արդեն նախկին ներկայացուցիչ Գառնիկ Իսագուլյանի պաշտոնանկությանը բավական հետաքրքիր միջադեպ է նախորդել: «Ժողովուրդ»-ի տեղեկություններով’ օգոստոսի 31-ին Սերժ Սարգսյանի կողմից հրավիրված ՀՀ անվտանգության խորհրդի նիստի ժամանակ ՀՀ ԱԱԾ տնօրեն Գորիկ Հակոբյանին տրված հրապարակային հրահանգը, թե «Գորիկ Գուրգենիչ, խորհրդակցությունից անմիջապես հետո կգաք ինձ մոտ’ հատուկ հանձնարարություն ունեմ Ձեզ տալու», նախագահականում բախման առիթ է դարձել: Գ. Իսագուլյանը գնացել է մոնտաժման սենյակ և բարկացել, թե «ով է ձեզ ասել, որ էդ ապուշությունը եթեր տաք»: Այս միջադեպի մասին զեկուցվել է անգամ Սերժ Սարգսյանին, որն էլ իր հերթին բարկացել է Իսագուլյանի վրա: Լուրը ճշտելու համար թերթը դիմել է Գ. Իսագուլյանին, որը, բնականաբար, հերքել է’ասելով, թե նման բան չի եղել: