Հրդեհ «Հարսնաքար» ռեստորանային համալիրում. ԱԻՆ-ը խոստանում է մանրամասնել հաղորդել քիչ անց

Սեպտեմբերի 21-ին, ժամը 16.50-ին ահազանգ է ստացվել, որ հրդեհ է բռնկվել Երեվանի Աճառյան փողոցի 37 հասցեում՝ “Հարսնաքար” ռեստորանային համալիրի տանիքում: Այս մասին տեղեկացնում է ՀՀ Արտակարգ Իրավիճակների Նախարարության կայք-էջը:

Դեպքի վայր են մեկնել վեց մարտական հաշվարկ, մեկ ավտոսանդուղք: Հայտարարվել է հրդեհի 2-րդ աստիճանի բարդության կանչ: Հրդեհը մեկուսացվել է ժամը 17.27-ին, մարվել՝ 17.38-ին: Նախնական տվյալներով այրվել է 300 քմ տանիք:

Times.am-ի հետ զրույցում ԱԻՆ-ից հայտնեցին, որ դեպքի վայր է մեկնել Շտապ Օգնություն: Ավելի մանրամասն տեղեկատվություն դեռեւս հնարավոր չեղավ ճշտել: Նախարարությունից խոստացան ամբողջական ինֆորմացիան հրապարակել քիչ անց: