«Իրատես de facto». Մաքսային պետական կոմիտեի նախկին ղեկավար Արմեն Ավետիսյանը դառնալու է հանրապետությունում իրականացվող շինարարության թիվ մեկ պատասխանատուն

Վերջին շրջանում անընդհատ խոսում են «ատկատների», մեծ «շնաձկներ» բռնելու, պետական համակարգում կոռուպցիան արմատախիլ անելու մասին, սակայն դրան զուգահեռ կատարվում են լրիվ հակառակ գործընթացներ: Մասնավորապես, թերթի աղբյուրի տեղեկություններով, մաքսային պետական կոմիտեի նախկին ղեկավար Արմեն Ավետիսյանը դառնալու է հանրապետությունում իրականացվող շինարարության թիվ մեկ պատասխանատուն: Մինչդեռ ժամանակին այս պաշտոնյայի անվան հետ էին կապվում կոռուպցիայի բազմաթիվ դեպքեր: Ի դեպ, վերջինիս հայրը, թերևս, հանրությանն ավելի է հայտնի, քան որդին, ում աշխատանքից ազատվելուց հետո պարբերաբար «ռմբակոծում» էր ՊԵԿ-ը:
«Իրատես de facto»-ն հիշեցնում է, որ տևական ժամանակ պետեկամուտների նախարարություն ահազանգ էր լինում, թե շենքում ռումբ է տեղադրված: Ի վերջո, իրավապահներին հաջողվեց պարզել, որ կեղծ զանգի հեղինակը Արմեն Ավետիսյանի հայրն է: