Տնտեսական արմատ ունեցող բողոքի ցույցերը փորձում են քաղաքականացնել. Լավրով
Նմանատիպ
Հայաստանում էլեկտրաէներգիայի սակագնի բարձրացման դեմ բողոքի ցույցերի արմատը բացառապես տնտեսական է, բայց ինչ-որ մեկին ձեռնտու է, որ գործընթացը քաղաքական ճանապարհով զարգանա: Նման տեսակետ է հայտնել Ռուսաստանի արտգործնախարար Սերգեյ Լավրովը, հայտնում է ria.ru-ն։
«Չափազանց մեծ ուշադրություն է դարձվում երիտասարդությանը՝ ազգային օրակարգ ձևավորելու հարցում, այդ թվում՝ այսպես կոչված՝ խաղաղ ցույցերի պրիզմայով, որոնք ավելի ու ավելի են դառնում վարքագծի նորմ: Դուք գիտեք՝ ինչպես էին սկսվում գունավոր հեղափոխությունները, մասնավորապես՝ Ուկրաինայում Մայդանը, ներկայիս իրադարձությունները Հայաստանում…Կա գայթակղություն դրանք օգտագործել հակակառավարական տրամադրությունները սրելու համար, թեպետ այդ իրադարձությունների արմատը խիստ տնտեսական են, բայց ինչ-որ մեկին օգտակար է թվում ավելի հեռուն գնալ և այդ գործընթացները զարգացնել քաղաքական ճանապարհով»,- հայտարարել է Լավրովը BRICS-ի (Բրազիլիա, Ռուսաստան, Հնդկաստան, Չինաստան, ՀԱՀ) երիտասարդական համաժողովի մասնակիցների հետ հանդիպմանը։
Հետևեք մեզ նաև Telegram-ում