Բրիտանիան պետք Է ընդլայնի մասնակցությունն ԻՊ-ի դեմ պայքարին. Քեմերոն
Նմանատիպ
Մեծ Բրիտանիայի վարչապետ Դեւիդ Քեմերոնը հայտարարել Է, որ երկիրը պետք Է ընդլայնի իր մասնակցությունը «Իսլամական պետություն» ծայրահեղական խմբավորման դեմ ռազմարշավին Սիրիայում: Քեմերոնի կարծիքով՝ ավիահարվածները կօգնեն կանգնեցնելու ԻՊ-ի զինյալների առաջշարժումը, բայց սոսկ դրանց միջոցով «Իսամական պետությունը» ոչնչացնել չի հաջողվի, տեղեկացնում Է «Արմենպրես»-ը՝ հղում անելով BBC-ին:
Դաշնակիցներին գործընկերներ են հարկավոր Սիրիայի տարածքում, ինչպես նաեւ անհրաժեշտ Է գտնել երկրի իրադրության քաղաքական լուծում:
«Մեր շահերի եւ մեր ժողովրդի դեմ ուղղված սպառնալիքներն այնպիսին են, որ մենք չենք կարող մեզ թույլ տալ կանգնել մի կողմում եւ չգործել»,- ասված Է վարչապետի հայտարարության մեջ:
Քեմերոնի խոսքով՝ Մեծ Բրիտանիան չպետք Է սեփական անվտանգության հոգսը հանձնի այլ երկրների:
Փաստաթուղթը հրապարակվել Է Համայնքների պալատի առջեւ Քեմերոնի ելույթից առաջ:
Այս շաբաթ ավելի վաղ Քեմերոնը հայտարարել Է պաշտպանության համար ծախսերի արմատական ավելացման մասին: Առաջիկա 10 տարում երկիրն այդ նպատակով կծախսի 178 միլիարդ ֆունտ:
Հետևեք մեզ նաև Telegram-ում