Ի՞նչ կապ ունեն հաճախորդների տվյալները մարքեթինգի հետ

Ի՞նչ կապ ունեն հաճախորդների տվյալները մարքեթինգի հետ

Հաճախորդների տվյալների իմացության խորությունը վկայում է բիզնեսի պրոֆեսիոնալիզմի մասին: Հայաստանում հաճախ ընկերություններն իրենց հաճախորդների մասին ոչ մի տեղեկատվություն չունեն, իսկ ունենալու դեպքում էլ տեղեկատվությունը հավաքվում է թղթե տետրերում կամ, որ ավելի վատ է` հիշողությունում:

Հաճախորդների մասին տեղեկատվություն հավաքելու և օգտագործելու արդյունավետության մի քանի չափանիշ կա` ի՞նչ կրիչի վրա է հավաքվում տեղեկատվությունը, ի՞նչ տեղեկատվություն է հավաքվում և ի՞նչ նպատակով է հավաքվում:

1. Ինչ կրիչներով եք հավաքում տեղեկատվությունը: Հաճախորդների տվյալները կուտակելու և վերլուծելու լավագույն միջոցը CRM-ն է (customer relationship management): CRM կարելի է համարել տեղեկատվության կուտակման ցանկացած տարբերակ, որն օգնում է հասկանալ ու բարելավել հարաբերությունները հաճախորդների հետ:

Տեղեկատվություն հավաքելը կարելի է սկսել Microsoft Excel-ից կամ google sheet-ից, բայց ամենալավ տարբերակը հատուկ այդ նպատակով ստեղծված CRM համակարգերն են: CRM-ը կարող է արժենալ մի քանի հազար դոլարից սկսած մինչև մի քանի միլիոն դոլար: Եթե մեծ ընկերություն չեք ու մեծ քանակի տեղեկատության վերլուծություն կարիք չունեք, ապա կարելի է սկսել շատ մատչելի օրինակից, հատկապես, որ մենք ՀՀ-ում ունենք հայկական արտադրության ու արտասահմանյան օրինակների հետ համեմատած շատ մատչելի ու որակյալ տարբերակ (www.mersoft.am):

2. Ինչ կոնտենտ եք հավաքում: Հաճախորդի մասին տեղեկատվությունը պետք է կուտակվի ըստ բիզնեսի խնդիրների: Շատ կարևոր է, որ տեղեկատվությունը չմնա մենեջերի կամ ինչ-որ թղթերի հույսին: Մենեջերին կհեռացնեք, իսկ թղթերը կկորեն, ինչի հետ կկորի նաև թանկագին ինֆորմացիան:

3. Ինչ խնդիր եք լուծում: Հաճախորդների մասին տեղեկատվություն հավաքելուց առաջ անհրաժեշտ է ռազմավարություն մշակել, թե ինչ խնդիրներ լուծելու համար է նախատեսված տեղեկատվությունը: Վերոնշյալ հարցի պատասխանի համապատասխան կարելի է որոշել, թե ինչ տեղեկատվություն եք հավաքելու: Հաճախորդի մասին տեղեկատվությունը պետք է օգնի կոնկրետ խնդիրներ լուծել:

Հաճախորդների մասին տեղեկատվությունը անհրաժեշտ է օգտագործել մի քանի նպատակներով.

· Սպասարկման որակի բարձրացում: Տվյալների բազան ընդունված է օգտագործել որոշ հաճախորդներին առավելություններ տալու, ծնունդը, տոները շնորհավորելու համար:

· Վաճառքի բաժնի աշխատանքների արդյունավետությունը հասկանալու նպատակով: Վաճառքի բաժնի գործընթացները պատկերացնելու համար տեղեկատվական համակարգի առկայութունը օգնում է ավելի լավ պատկերացնել ընթացիք գործընթացներն ու հիմնարար լուծումներ գտնել ընթացիք խնդիրների վերաբերյալ:

· Ունենալ ընդհանրացված և համակարգված տեղեկատվական բազա վաճառքի և հաճախորդների հետ կապված:

· Ունենալ հնարավորինս մեծ քանակի մշտական հաճախորդներ, որոնց հետ հարաբերությունները համակարգված կլինեն:

· CRM-ի առկայությունը հնարավորություն է տալիս ունենալ պատրաստի որոշումներ որոշակի իրավիճակների համար, ինչն արագացնում է բիզնես գործընթացները և մեծացնում է արդյունավետությունը:

Տեղեկատվական բազան ընկերության մարքեթինգի, վաճառքի բաժնի ու ՏՏ-ի (տեղեկատվական տեխնոլոգիաներ) համատեղ աշխատանքի արդյունքը պետք է հանդիսանա:

Վահրամ ՄԻՐԱՔՅԱՆ
Մարքեթինգային այլ գործիքների մասին Չոր մարքեթինգ կուրսի ընթացքում:

 

Հետևեք մեզ նաև Telegram-ում