Մարեզ. Վարդին ինձ հիանալի փոխանցում կատարեց

«Լեսթերի» կիսապաշտպան Ռիյադ Մարեզն Անգլիայի Պրեմիեր լիգայի 31-րդ տուրում «Քրիսթալ Փելասին» հաղթելուց հետո հայտարարել է, որ իր թիմը պետք է զգոն լինի մրցաշրջանի մնացած խաղերում:

-Բարդ հանդիպում էր, բայց մենք կարողացանք լավ հաղթանակի հասնել: Ջեյմի Վարդին ինձ հիանալի փոխանցում կատարեց: Խաղի սկզբում վրիպեցի շատ նպաստավոր դիրքից, բայց ուրախ եմ, որ ի վերջո կարողացա հաղթանակ բերել թիմիս: Մենք վստահ և համակարգված էինք խաղում՝ մրցակցի դարպասի մոտ ստեղծելով մի շարք վտանգավոր պահեր:

Մրցաշրջանի ավարտին արդեն քիչ խաղեր են մնում, առջևում մենք 7 խաղ ունենք: Պետք է շարունակենք զգոն լինել: Տեսնենք՝ ինչ կլինի վերջում,-Մարեզի խոսքը մեջբերված է «BBC Sport»-ից:

«Լեսթերն» այժմ 66 միավորով գլխավորում է մրցաշարային աղյուսակը՝ երկրորդ հորիզոնականում գտնվող «Տոտենհեմին», որը 30 խաղ է անցկացրել, գերազանցելով 8 միավորով:

#vardy to #mahrez goal #Leicester pic.twitter.com/FGCo7b7MKd

— Sport Extra HD (@SportExtraHD) 19 марта 2016 г.