Ռանյերի. «Բարսելոնան» ճգնաժամի մեջ չէ, պարզապես անհաջող շարքը որոշիչ շրջանում սկսվեց

«Լեսթերի» գլխավոր մարզիչ Կլաուդիո Ռանյերին կարծիք է հայտնել «Բարսելոնայում» տիրող իրավիճակի մասին։

-Ես ամբողջովին չգիտեմ իրավիճակը, սակայն «Բարսելոնային» չարժե կասկածել։ Նրանք փայլուն թիմ ունեն։

Դուք խոսում եք այն թիմի մասին, որն անցած մրցաշրջանում հաղթել է բոլոր հնարավոր մրցաշարերում։ Ոչ վաղ անցյալում մարդիկ ասում էին, որ «Բարսելոնան» օրինակ է բոլորի համար։ Ոչինչ այդքան արագ չի ավարտվում։

«Ռեալին» կամ «Ռեալ Սոսյեդադին» պարտվելը ճգնաժամ չէ։ Ամեն թիմ անհաջող շրջաններ ունենում է, պարզապես «Բարսելոնայի» մոտ դա սկսվեց մրցաշրջանի որոշիչ հատվածում։

Նրանք պետք է հանգստանան ու շարունակեն մտածել այն մասին, ինչի մասին մտածում էին մինչ այդ։ Պետք է վերադառնալ այնտեղ, ուր թիմը հաջող էր խաղում։ Ամեն ինչ կդառնա այնպես, ինչպես եղել է,-ասել է Ռանյերին։