Զիդան. Հիասթափված եմ

«Ռեալի» գլխավոր մարզիչ Զինեդին Զիդանը Չեմպիոնների լիգայի կիսաեզրափակիչ փուլի՝ «Մանչեսթեր Սիթիի» հետ առաջին հանդիպման (0:0) վերաբերյալ իր մեկնաբանությունն է տվել:

-Բարդ էր: Մենք լավ էինք պաշտպանվում, երկրորդ խաղակեսում վերահսկում էինք գնդակի տեղաշարժը և գոլ խփելու հնարավորություններ ունեինք: Հիասթափված եմ, քանի որ երկրորդ կեսի խաղով արժանի էինք հաղթանակի, սակայն բաց թողեցինք մեր հնարավորությունները:

Գոլազուրկ ոչ-ոքին չի կարող որևէ բան երաշխավորել: Եզրափակիչ դուրս գալու հնարավորություններն առաջվա պես 50-50 են: Այժմ պետք է մտածենք հարազատ հարկի տակ մեր աշխատանքը լավ կատարելու մասին,-Զիդանի խոսքը մեջբերված է «AS»-ից:

Հիշեցնենք, որ «Ռեալ»-«Մանչեսթեր Սիթի» պատասխան հանդիպումը կայանալու է մայիսի 4-ին: