Նոյերը կարծում է՝ Անչելոտին չի փոխի «Բավարիայի» խաղը
28/04/2016 11:42
![Նոյերը կարծում է՝ Անչելոտին չի փոխի «Բավարիայի» խաղը](https://times.am/v3/wp-content/uploads/2016/04/696a0933e0e1ff4e5c9c3bd67ef3d202-1024x614.jpg)
Նմանատիպ
Մյունխենի «Բավարիայի» դարպասապահ Մանուել Նոյերը չի կարծում, որ թիմի խաղը մեծ փոփոխությունների կենթարկվի Կարլո Անչելոտիի գլխավորությամբ, ով հաջորդ մրցաշրջանում ստանձնելու է ակումբի գլխավոր մարզչի պաշտոնը։ Իտալացի մասնագետը կփոխարինի Խոսեպ Գվարդիոլային, ով, իր հերթին, կգլխավորի «Մանչեսթեր Սիթին»։
-Անչելոտին ևս սիրում է դաշտում մրցակցի նկատմամբ գերիշխող դիրք ունենալ։ Դա հատկապես կարևոր կդառնա, երբ նա գլխավորի «Բավարիան»։ Կարծում եմ՝ մենք մեծ հաշվով շեշտը կդնենք գնդակի վերահսկման վրա։ Անչելոտին դա արել է իր աշխատած նախորդ ակումբներում, այդ պատճառով էլ կարծում եմ, որ մեր խաղում ոչինչ չի փոխվի,-ասել է Նոյերը։
Հետևեք մեզ նաև Telegram-ում