Ալոնսո. Հավանաբար, «Ատլետիկոյի» ֆուտբոլիստները մտածում են՝ դուրս են եկել եզրափակիչ

«Բավարիայի» կիսապաշտպան Խաբի Ալոնսոն համոզված է, որ իր թիմը Չեմպիոնների լիգայի եզրափակիչ դուրս գալու մեծ հնարավորություններ ունի: Հիշեցնենք, որ կիսաեզրափակիչ փուլի առաջին խաղում մյունխենյան թիմը նվազագույն հաշվով պարտվել է «Ատլետիկոյին», իսկ պատասխան հանդիպումը կայանալու է մայիսի 3-ին:

-«Ատլետիկոյի» ֆուտբոլիստների մեծ մասը, հավանաբար, մտածում է, որ թիմն արդեն դուրս է եկել եզրափակիչ, բայց առջևում 90 րոպե կա: Առաջին խաղի արդյունքը մրցակցին առավելություն է տալիս, բայց մենք խաղալու ենք մեր մարզադաշտում, մեր երկրպագուների աջակցությամբ: Նրանք հավատալու են մեզ, իսկ մենք՝ եզրափակիչ դուրս գալուն,-Ալոնսոյի խոսքը մեջբերված է «Marca»-ից: