Գվարդիոլա. Ես դեռ չեմ մահացել
Նմանատիպ
«Բավարիայի» գլխավոր մարզիչ Խոսեպ Գվարդիոլան պատասխանել է իր հասցեին հնչող քննադատություններին, որոնք շատացել են Չեմպիոնների լիգայի կիսաեզրափակիչ փուլի առաջին խաղում «Ատլետիկոյին» նվազագույն հաշվով պարտվելուց հետո:
-Ես դեռ չեմ մահացել: «Ատլետիկոյին» պարտվելուց հետո ոմանք ինձ թաղել են, բայց ես դեռ մեկ փամփուշտ ունեմ: Կներեք, բայց ես շատ ուրախ եմ «Բավարիայի» գլխավոր մարզիչը լինելու կապակցությամբ և պայքարելու եմ այս մեծագույն ակումբի համար: Դուք չեք էլ կարող պատկերացնել, թե ինձ որքան են դուր եկել «Ատլետիկոյի» հետ խաղի 25-րդ րոպեից հետո իմ թիմի գործողությունները:
Թոմաս Մյուլլերին պահեստայինների նստարանին թողնելը մարտավարական որոշում էր: Գիտեմ, որ նա «Բավարիայի» համար կարևոր ֆուտբոլիստ է, բայց չէի ցանկանում այդ խաղում առջևի գծում ևս մեկ հարձակվող ունենալ,-Գվարդիոլայի խոսքը մեջբերված է «ESPN FC»-ից:
Հետևեք մեզ նաև Telegram-ում