Մոսկվան հուսով է, որ հակամարտող կողմերը փխրուն հրադադարին վնասող քայլերի չեն գնա
![Մոսկվան հուսով է, որ հակամարտող կողմերը փխրուն հրադադարին վնասող քայլերի չեն գնա](https://times.am/v3/wp-content/uploads/2016/05/b8d89a334f94bd5c2a8bf3da40d87339.jpg)
Նմանատիպ
Մոսկվան հուսով է, որ ղարաբաղյան հակամարտության կողմերը կխուսափեն քայլերից, որոնք կարող են խախտել բավականին փխրուն հրադադարը: Այդ մասին hայտարարել է ՌԴ նախագահի մամուլի խոսնակ Դմիտրի Պեսկովը, հաղորդում է ՌԻԱ նովոստին՝ նշելով, որ Կրեմլի հետ այս թեմայով որևէ քննարկում չի եղել:
«Ո՛չ, Մոսկվայի հետ դա չի քննարկվել։ Մենք շատ ուշադիր հետևում ենք այն որոշումներին, որոնք ընդունվում են այդ համատեքստում: Բնականաբար, մենք ինչպես նախկինում, հույս ունենք, որ հակամարտող կողմերը կխուսափեն այնպիսի քայլերից, որոնք կխաթարեն բավականին փխրուն հրադադարը և, ընդհանուր առմամբ, կհանգեցնեն Լեռնային Ղարաբաղում լարվածության սրմանը»,-ասել է Պեսկովը։
Հիշեցնենք, որ երեկ ՌԻԱ նովոստիի հետ զրույցում ՌԴ ԱԳ նախարար Սերգեյ Լավրովը հայտարարել էր, որ «Մոսկվան խուճապի պատճառ չի տեսնում՝ կապված հայ խորհրդարանականների` Լեռնային Ղարաբաղի ճանաչման նախաձեռնության հետ, քանի որ Երևանը հայտարարել է, որ տարածաշրջանի կարգավիճակը չի որոշվի միակողմանի կարգով»: Այսինքն՝ ԼՂ-ի կարգավիճակը պետք է որոշվի ընդհանուր պայմանավորվածությունների համատեքստում:
Հետևեք մեզ նաև Telegram-ում