Ֆինանսների փոխնախարարը պարզաբանել է ԵԱՏՄ-ից Հայաստանի մասնաբաժին մաքսատուրքերի նվազման հարցը
![Ֆինանսների փոխնախարարը պարզաբանել է ԵԱՏՄ-ից Հայաստանի մասնաբաժին մաքսատուրքերի նվազման հարցը](https://times.am/v3/wp-content/uploads/2016/06/aaf049a220860fa1d562c6fd1a838fb5.jpg)
Նմանատիպ
ՀՀ ֆինանսների նախարարի տեղակալ Պավել Սաֆարյանը չի կարծում, թե ԵԱՏՄ շրջանակում Հայաստանի մասնաբաժին մաքսատուրքերի չափը կշարունակի նվազել: Կառավարության նիստից հետո պատասխանելով հարցին՝ ինչու է ԵԱՏՄ-ից եկող մաքսատուրքերի չափը կանխատեսածից ցածր, Սաֆարյանն ասաց, որ միության անդամ բոլոր երկրներն էլ բաձր կանխատեսումներ են ունեցել: «ԵԱՏՄ-ի շրջանակում ոչ միայն Հայաստա նը, այլ մյուս երկրներն այդ նույն կանխատեսումներն ունեին, ինչ ներկայացրել է Հայաստանի կառավարությունը: Միայն Հայաստանն ինքն առանձին չվերցրեց ու կանխատեսումներ արեց: Կանխատեսումն ու կանխագուշակումը դրանք տարբեր բաներ են: Կանխատեսումը որոշակի մեթոդիկաներով կատարվող գործողություն է, որի մեջ կան նաև անորոշության գործոններ, որոնք հնարավոր չէ կանխատեսել, որևէ մեկը չի կարող ապացուցել, որ այդ գործոնը պետք է այդպիսին լիներ»,- «Արմենպրես»-ի հաղորդմամբ՝ ասաց Սաֆարյանը:
Հարցին՝ մաքսատուրքերի գումարներն առաջիկայում կրկին հնարավոր է նվազեց, փոխնախարարն ասաց, որ չի կարծում, թե այս տեմպերից նվազում կարձանագրվի:
Մյուս հարցին՝ կավելանա՞ն արդյոք` հասնելով կանխատեսած մակարդակին, Սաֆարյանն ասաց, որ այժմ մինչև հունիսի վերջ կներկայկացվի կառավարության միջնաժամկետ ծախսային ծրագրի սցենարը, որը վերաբերելու է գալիք երեք տարիներին:
Հետևեք մեզ նաև Telegram-ում