Ռունին ու Հոջսոնը երկրպագուներին խնդրել են դադարեցնել անկարգությունները
Նմանատիպ
Անգլիայի հավաքականի գխավոր մարզիչ Ռոյ Հոջսոնն ու հարձակվող Ուեյն Ռունին հավաքականի երկրպագուներին կոչ են արել դադարեցնել խուլիգանական արարքները և չվնասել ազգային թիմին։ Հիշեցնենք, որ Եվրոպայի առաջնության ընթացքում բազմաթիվ անկարգություններով աչքի ընկած անգլիացի երկրպագուները խմբային փուլի առաջին՝ Ռուսաստանի դեմ խաղից հետո ծեծկռտուք էին սարքել մրցակցի երկրպագուների հետ։ ՈւԵՖԱ-ն հայտարարել է, որ խուլիգանությունների շարունակման դեպքում երկու հավաքականներն էլ կարող են հեռացվել մրցաշարից։
-Կցանկանայի շնորհակալություն հայտնել Անգլիայի երկրպագուներին Ռուսաստանի դեմ խաղում հիանալի աջակցության համար։ Առջևում մեզ սպասվում է Ուելսի դեմ կարևորագույն հանդիպում։ Ուզում եմ դիմել մեր երկրպագուներին։ Տղե´րք, խնդրում եմ, եթե դուք չունեք Լանսում կայանալիք հանդիպման տոմս, ապա պետք չէ այնտեղ գնալ։ Իսկ տոմսեր ունեցողներին կասեմ հետևյալը. պահպանե´ք կարգը, մնացեք անվտանգության մեջ և շարունակեք այդպես աջակցել մեզ։ Շնորհակալ եմ,-ասել է Ռունին։
-Իհարկե, ինձ շատ է անհանգստացնում այն սպառնալիքը, որը կախվել է մեր հավաքականի գլխին երկրպագուների պահվածքի պատճառով պատժամիջոցների տեսքով։ Մենք հսկայական աշխատանք ենք կատարել այստեղ հասնելու համար, շատ կուզենայինք այստեղ մնալ։ Այդ պատճառով էլ կուզենայի խնդրել բոլոր անգլիացի երկրպագուներին զսպվածություն դրսևորել և կոնֆլիկտներ իմեջ չմտնել։ Մենք գնահատում ենք ձեր աջակցությունը, և այդ դեպքում կանենք մեր ուժերի ներածի չափով ամեն ինչ մրցաշարում հաջող ելույթ ունենալու համար,-Հոջսոնի խոսքն է մեջբերում «Mirror»-ը։
Հետևեք մեզ նաև Telegram-ում