Չեխը, Բարին, Ռոնալդուն գրանցվել են Գինեսի ռեկորդների գրքում
![Չեխը, Բարին, Ռոնալդուն գրանցվել են Գինեսի ռեկորդների գրքում](https://times.am/v3/wp-content/uploads/2016/10/f2a57364fa066676e1ec0ede086b9643-1024x455.jpg)
Նմանատիպ
«Արսենալի» դարպասապահ Պետր Չեխը, «Էվերթոնի» կիսապաշտպան Գարեթ Բարին, «Ռեալի» հարձակվող Կրիշտիանու Ռոնալդուն գրանցվել են Գինեսի ռեկորդների գրքում (2017 թվականի հրատարակչություն)։
«Guinness World Records»-ից տեղեկանում ենք, որ 34-ամյա Չեխը նման պատվի արժանացել է Պրեմիեր լիգայի պատմության մեջ ամենաշատ «չոր» հանդիպումներ անցկացնելու շնորհիվ։ Չեխը ռեկորդակիր է դարձել դեռևս 2015 թվականի դեկտեմբերի 28-ին․ «Բորնմուտի» հետ խաղը դարպասապահի համար Պրեմիեր լիգայում 174-րդն էր, որում նա գոլ բաց չթողեց։
35-ամյա Բարին ռեկորդների գրքում գրանցվել է որպես Պրեմիեր լիգայի խաղերում ամենաշատը մեկնարկային կազում հայտնված ֆուտբոլիստ։ 17 տարեկանում «Ասթոն Վիլայում» նորամուտը նշելուց հետո Բարին 580 անգամ Պրեմիեր լիգայի խաղերին մասնակցել է իր թիմերի մեկնարկային կազմում։
Կրիշտիանու Ռոնալդուն հերթական ռեկորդն է սահմանել սոցիալական հարթակում․ պորտուգալացին «Twitter»-ում ամենահայտնի մարզիկն է (47 մլն-ից ավելի հետևորդ)։
Ռեկորդների նոր գրքում ընդգրկված այլ ռեկորդներ՝
Պրեմիեր լիգայում մեկ ակումբի կազմում ամենաշատ գոլերր խփած ֆուտբոլիստ՝ Ուեյն Ռունի («Մանչեսթեր Յունայթեդ», 179 գոլ)։
Ամենաարագ հեթ-տրիկի հեղինակ՝ Սադիո Մանե («Սաութհեմփթոն»-«Ասթոն Վիլա», 2 րոպե 56 վայրկյան)։
Անգլիայի գավաթի խաղարկությունում ամենաշատ հաղթանակ տոնած թիմ՝ «Արսենալ» (13):
Հետևեք մեզ նաև Telegram-ում