Ֆրանսիայում երեք մարդ է ձերբակալվել ահաբեկչություն նախապատրաստելու կասկածանքով
Նմանատիպ
Ֆրանսիայի ոստիկանությունը երեք մարդու է ձերբակալել ահաբեկչություն նախապատրաստելու կասկածանքով: Ինչպես տեղեկացնում է «Արմենպրես»-ը, հղում անելով BFM հեռուստաալիքին, ձերբակալման գործողությունն անցկացվել է Կլերմոն-Ֆերան քաղաքում:
Կալանավորվածներից մեկի բնակարանում կատարվում է խուզարկություն, սակրավորներն ստուգում են այնտեղ պայթուցիկ նյութերի հնարավոր առկայությունը:
Լրացուցիչ օպերատիվ միջոցներ են ձեռնարկվել Փարիզում եւ Մարսելում:
Փետրվարի սկզբին Ֆրանսիայի ՆԳ նախարարությունը հայտնել էր Մարսելում եւ Մոնպելիեում չորս մարդու ձերբակալման մասին, որոնք, ենթադրաբար, ահաբեկչական գործողություն էին նախապատրաստում Փարիզի տուրիստական գոտիներից մեկում: Կալանավորելիս ահաբեկիչների մոտ հայտնաբերվել են նյութեր, որոնք մատնանշում են նրանց կապը «Իսլամական պետություն» ահաբեկչական խմբավորման հետ, հաղորդել է ՏԱՍՍ-ը:
Հետևեք մեզ նաև Telegram-ում