Այսօր ժամը 16.00, «Գասպարյան-արտ ստուդիա» հասարակական կազմակերպության մանկական արվեստի զարգացման կենտրոնում (Լենինգրադյան 4/12, Կ.Դեմիրճյանի անվ. մարզահամերգային համալիրի հարևանությամբ) տեղի կունենա ՙ մանկական արվեստին նվիրված նախադպրոցական և դպրոցական տարիքի երեխաների ստեղծագործությունների գարնանային ցուցահանդես: Ցուցահանդեսի բացման հանդիսավոր արարողությանը ներկա կլինեն պետական բարձրաստիճան պաշտոնյաներ, դեսպանատների, հիմնադրամների, խոշոր ձեռնարկություններ ներկայացուցիչներ, արվեստի ոլորտի բուհեր և միություններ, արվեստագետներ, մանկական արվեստի գիտակներ, ուսանողներ:
Ցուցահանդեսի նպատակն է զարգացնել մանկական արվեստը’ երեխաների գեղագիտական դաստիարակությունը’ կերպարվեստի և դեկորատիվ-կիրառական արվեստի ոլորտում (գեղանկարչություն, քանդակագործություն, գրաֆիկա, համակարգչային գրաֆիկա, դեկորատիվ դիզայն, գոբելենագործություն, կարպետագործություն, ասեղնագործություն, ինչպես նաև̀ համաշխարհային արվեստի պատմություն, ազգագրություն): Ցուցահանդեսը ցույց է տալու մանկական արվեստի զարգացման կենտրոնում ստացած երեխաների գիտելիքների հանրագումարը’ նրանց ազատ ստեղխագործելու, ինքնուրույն մտածելու, արվեստագիտական վերլուծություններ անելու ունակությունները:
