The System of a Down խմբի վոկալիստ, ամերիկահայ աշխարհահռչակ երաժիշտ Սերժ Թանկյանը սիմֆոնիկ նվագախմբի հետ ելույթ կունենա ՌԴ մայրաքաղաք Մոսկվայում և Սանկտ-Պետերբուրգում: Այս մասին տեղեկացնում է ռուսական Lenta.ru-ն:
Ըստ տեղեկատվության, Մոսկվայում համերգը նախատեսված է սեպտեմբերի 27-ին, «Կրակուս Սիթի Հոլլում»: Պետերբուրգում Թանկյանը ելույթ կունենա սեպտեմբերի 28-ին, «Օկտյաբերսկի» համերգասրահում: Նախծատեսված է, որ համերգի ժամանակ երաժիշտը նվագախմբի հետ կկատարի իր «Orca» ալբոմը և սիմֆոնիկ ֆորմատի վերափոխված «Elect the Dead» ալբոմը:
Նշենք, որ սա Թանկյանի նման ֆորմատով առաջին համերգը չէ Ռուսաստանում: 2010 թվականին նա «Կրակուս Սիթի Հոլլում» ելույթ էր ունեցել «Գլոբալիս» սիմֆոնիկ նվագախմբի հետ:
