«Կրթական որակ. արդի հիմնախնդիրները և երիտասարդության դերը որակի բարձրացման գործընթացներում». քննարկում են երիտասարդները
Նմանատիպ
Հայաստանի երիտասարդական հիմնադրամը և «Հայաստանի ոչ պետական բուհերի ուսանողական կենտրոն» հասարակական կազմակերպությունը մարտի 29-31-ը Ծաղկաձորի երիտասարդական կենտրոնում անցկացնում են են «Կրթական որակ. արդի հիմնախնդիրները և երիտասարդության դերը որակի բարձրացման գործընթացներում» խորագրով սեմինար-քննարկում: Ծրագրին մասնակցում է մոտ 70 երիտասարդ։ Այս մասին տեղեկացնում են Հայաստանի երիտասարդական հիմնադրամի հասարակայնության հետ կապերի ծառայությունից:
Ըստ աղբյուրի, սեմինար-քննարկման նպատակն է երիտասարդությանն առավել հանգամանորեն ներկայացնել «կրթական որակ» հասկացության բուն էությունը, կարևորել այն և առանձին-առանձին անդրադառնալ դրա հետ առնչվող հիմնախնդիրներին՝ շեշտելով հենց երիտասարդության դերը կրթական որակի բարձրացման գործընթացում:
«Հայաստանի ոչ պետական բուհերի ուսանողական կենտրոն» ՀԿ նախագահ Արմինե Բարսեղյանը կարևորում է երիտասարդների կողմից կրության որակի խնդրին անդրադառնալը, քանի որ առաջինը նրանք պետք է խորությամբ գիտակցեն գիտելիքի արժևորման, կրթության որակի բարձրացման հարցը։
Հետևեք մեզ նաև Telegram-ում