Ապրիլի 9-ին կլինենք ֆիզիկապես կողք կողքի. Ր. Հովհաննիսյան

«Վերջին անգամ ձեզ հետ հանդիպելուց հետո գնացի քաղաքապետարանի շենք, մոտեցա բարև ասելու քաղաքապետին, ասելու՝ ազատ թողե՛ք մեր քաղաքը, մեր երկիրը, սա ձեր բոստանը չէ, սա հայ ժողովրդինն է: Իսկ քաղաքապետ տեսնելու փոխարեն ի՞նչ տեսա այնտեղ, черный вход կա այդտեղ, մարզպետը Վանաձորից փախած, արձակուրդի մեջ, черный вход-ում գյուղապետեր էր ընդունում։ Մարզպետն ի՞նչ գործ ունի քաղաքապետարանում, մարզպետը թող Վանաձորում նստի, մարզպետը Վանաձորում թող ձեր իրավունքը ապահովի, ոչ թե այստեղ թաքուն նստած՝ գյուղապետերի հերթը ընդունի: Գյուղապետ ես, հերոսացել ես, փա՛ռք քեզ, բայց այդ փառքը մի՛ փաթաթեք մեր ժողովրդի ապագայի վրա»,- այս մասին այսօր Ալավերդիում ասաց նախագահի նակին թեկնածու Րաֆֆի հովհաննիսյանը:

«Անգին է ձեր ներկայությունը»,- ավելացրեց նա:

Ր. Հովհաննիսյանը նաև խոսեց փետրվարի 18-ին կայացած նախագահական ընտրությունների մասին, նշեց, որ կեղծարարություն է տեղի ունեցել, անդրադարձավ նաև երկրի սոցիալ-տնտեսական վիճակին:

Հովհանիսյանն ալավերդցիներին նույնպես կոչ արեց ապրիլի 9-ին լինել Ազատության հրապարկում «այդ օրը կլինեն ֆիզիկապես կողք կողքի»,-ասաց նա և վստահություն հայտնեց, որ ոստիկանները ճանապարհները կբացեն, «քանի որ դա նրանց պարտականությունն է»: