«Մանչեսթեր Սիթին»` Անգլիայի Լիգայի գավաթի եզրափակչում (տեսանյութ)

«Մանչեսթեր Սիթին»` Անգլիայի Լիգայի գավաթի եզրափակչում (տեսանյութ)

Անգլիայի Լիգայի գավաթի կիսաեզրափակչի պատասխան խաղում «Մանչեսթեր Սիթին» 3:2 հաշվով հաղթել է «Բրիսթոլին»: Առաջին հանդիպման ժամանակ Պեպ Գվարդիոլայի թիմն առավելության էր հասել 2:1 հաշվով:

Չեմպիոնշիփը ներկայացնող թիմի մարզադաշտում կայացած մրցավեճի մեծ մասի ընթացքում «քաղաքայինները» մեծ առավելություն են ունեցել ու հաշվի մեջ առաջ եղել: Հյուրերի կազմում մեկական անգամ աչքի են ընկել Լերոյ Սանեն ու Սերխիո Ագուերոն:

Հետագայում Մարլոն Փաքը կրճատել է հաշվի տարբերությունը, իսկ 90+3 րոպեին Ադեն Ֆլինտը հավասարեցրել այն: «Բրիսթոլը» նետվել է նաև հաղթանակ կորզելու, սակայն վտանգավոր հակագրոհ է բաց թողել, որն արդյունավետ հարվածով եզրափակել է Կևին Դե Բրյունեն:

Այսպիսով, «քաղաքայիններն» ընդհանուր դիմակայությունում հաղթել են 5:3 հաշվով ու մտել եզրափակիչ: Նրանց մրցակիցը հայտնի կդառնա «Արսենալ» – «Չելսի» հանդիպումից հետո:

Անգլիայի Լիգայի գավաթ, կիսաեզրափակիչ
«Բրիսթոլ Սիթի» – «Մանչեսթեր Սիթի»` 2:3 (առաջին խաղում` 1:2)
Գոլերը՝ Փաք (64), Ֆլինտ (90+3) – Սանե (43), Ագուերո (49), Դե Բրյունե (90+5)

Տեսանյութ

Հետևեք մեզ նաև Telegram-ում