Հանրային խորհրդի նախագահ Վազգեն Մանուկյանը խորհրդի այսօրվա նիստում հայտարարել է, որ «Արմավիա» ավիաընկերությունն իրենց է ներկայացրել առողջացման ծրագիր, համաձայն որի, առաջարկվում է նախ վերականգնել հավասարությունը (պարիտետ), քանի որ, ըստ ավիաընկերության, 2009-ից հետո ավիափոխադրումների շուկայում խախտվել է պարիտետը հօգուտ ռուսական ավիաընկերությունների, իսկ ռուսական շուկային ու ԱՊՀ-ին բաժին է ընկնում ավիափոխադրումների 80%-ը:
«Արմավիաան» նաև առաջարկում է հանել օդի հարկը’ 10 հազար դրամ պետական տուրքը:
Հիշեցնենք, որ «Արմավիան» ապրիլի 1-ից դադարեցրել է թռիչքները՝ սնանկացման գործընթաց սկսելու պատրվակով:
