ԲՀԿ-ն երեխաներին շապիկներ է բաժանել՝ պայմանով, որ հագնեն ու թռուցիկներ բաժանեն

Երեկ Քանաքեռում «Բարգավաճ Հայաստան» կուսակցության նախընտրական հանդիպմանը եկել էին նաև մի խումբ երեխաներ՝ կուսակցության շապիկներով: Ի դեպ, բոլորի շապիկները նրանց վրա ակնհայտորեն մեծ էին:

«Ժամանակը» երեխաներից հետաքրքրվել է, թե ինչու են եկել այդտեղ, և ով է տվել շապիկները: «Եկել ենք «Բարգավաճ Հայաստանի» հանդիպմանը, իսկ շապիկները տվել են կուսակցության աշխատողները»,-պատասխանել են նրանք՝ հավելելով, որ շապիկներն ու գլխարկները տվել են այն պայմանով, որ գան մասնակցեն հանդիպմանը և ԲՀԿ-ի թռուցիկներ բաժանեն: Հարցին՝ ճանաչո՞ւմ են այն ԲՀԿ-ականներին, ովքեր քիչ առաջ ելույթ ունեցան, երեխաները պատասխանել են, որ ճանաչում են, բայց չեն կարողանում հիշել նրանց անունները: