Անգլիայի առաջնության 30-րդ տուրի վերջին խաղում առաջատար «Մանչեսթեր Սիթին» արտագնա խաղում մրցել է «Սթոք Սիթիի» հետ: «Քաղաքայինները» 2:0 հաշվով վստահ հաղթանակ են տոնել:
Հաշիվը 10-րդ րոպեին բացել է Դավիդ Սիլվան, ով եզրափակել է Գաբրիել Ժեզուսի ու Ռահիմ Սթերլինգի կազմակերպած արագ գրոհը: Երկրորդ խաղակեսի սկզբում (50) իսպանացին դուբլ է ձևակերպել: Այս անգամ նա աչքի է ընկել Ժեզուսի փոխանցումից հետո: Պրեմիեր լիգայի ընթացիկ առաջնությունում 32-ամյա ֆուտբոլիստն արդեն 8 գոլ է խփել ու 9 գոլային փոխանցում կատարել:
Հետագա ժամանակահատվածում նոր գնդակներ չեն գրանցվել:
Այսպիսով, «Մանչեսթեր Սիթին» վաստակել է 81 միավոր ու մոտակա հետապնդող «Մանչեսթեր Յունայթեդի» նկատմամբ առավելությունը կրին հասցրել 16-ի: Առաջիկա 8 տուրերի ընթացքում երեք հաղթանակ տոնելու դեպքում Պեպ Գվարդիոլայի թիմը չեմպիոն կդառնա:
«Սթոք Սիթին» 27 միավորով 19-րդ տեղում է:
