«Այսօր՝ Երեխաների պաշտպանության միջազգային օրը, տեղի կունենա ԲՀԿ առաջնորդ Գագիկ Ծառուկյանին պատկանող «Փարավոն» խաղատների եւ զվարճանքների կենտրոնի բացումը։ Այս մասին գրում է «Ժամանակ» թերթը եւ հավելում. «Կենտրոնն իրականում բացվել է մայիսի 14-ին, երբ Աբովյան քաղաքում տեղի ունեցավ Ծառուկյանի կառուցած Ս. Հովհաննես Մկրտիչ եկեղեցու օծման արարողությունը:
Ու թեեւ ԲՀԿ-ից հերքում էին, թե միաժամանակ տեղի է ունեցել նաեւ «Փարավոնի» բացումը, կազինոներն այդ օրն աշխատել էին հյուրերի համար»:
Շրջանառվող տեղեկությունների համաձայն՝ այսօր Ս. Հովհաննես Մկրտիչ եկեղեցում տեղի է ունենալու նաեւ Գ. Ծառուկյանի թոռների մկրտման արարողությունը, որը հետո նշվելու է «Փարավոնում»»,- գրում է «Ժամանակը» (Մանրամասները՝ թերթի այսօրվա համարում):
