Բռնցքամարտիկ Արթուր Հովհաննիսյանը դուրս է եկել Եվրոպական խաղերի քառորդ եզրափակիչ

Բռնցքամարտիկ Արթուր Հովհաննիսյանը դուրս է եկել Եվրոպական խաղերի քառորդ եզրափակիչ

ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Բռնցքամարտի Հայաստանի հավաքականի անդամ Արթուր Հովհաննիսյանը դուրս է եկել Եվրոպական խաղերի 1/8 եզրափակիչ:

«Արմենպրես»-ի հաղորդմամբ՝ Բելառուսի մայրաքաղաք Մինսկում ընթացող Եվրոպական խաղերի բռնցքամարտի մրցաշարի 49 կգ քաշային կարգում Արթուր Հովհաննիսյանն առաջին մենամարտն անցկացրեց Բելառուսից Եվգենի Կարմիլչինի հետ և գերազանցեց նրան 5:0 հաշվով: Երկու օր անց՝ հունիսի 25-ին, Հովհաննիսյանը կմրցի Ռումինիայից Պետրե Գիրլեանուի հետ:

Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով:

 

Հետևեք մեզ նաև Telegram-ում