Ինքնուս ռուս նկարչուհին մատիտով գերիրական կտավներ է ստեղծում, որոնք գրեթե անհնար է տարբերել լուսանկարներից

Մոսկվայաբնակ նկարչուհի Ալյոնա Լիտվինը բացառիկ տաղանդի շնորհիվ կարողանում է գունավոր մատիտներով գերիրական պատկերներ ստեղծել, որոնք առաջին հայացքից հնարավոր չէ տարբեր որակյալ լուսանկարներից:

Ինչպես նշում է Oddity Central-ը, ուսումնասիրելով նրա տպավորիչ աշխատանքները՝ դժվար է հավատալ, որ Լիտվինը մասնագիտական կրթություն չունի և ինքնուս է: Նա նկարչությամբ է զբաղվում վերջին ութ տարվա ընթացքում:

Արվեստագետը պատմել է, որ մեկ նկարն ավարտին հասցնելու համար իրենից պահանջվում է մինչև տասն օր:

Լիտվինն իր աշխատանքներով կիսվում է Instagram-ում, որտեղ ունի 165 000 հետևորդ: Ի դեպ, նրանցից շատերը դժվարությամբ են հավատում, որ այդ պատկերներն իսկապես մատիտով են նկարված:

Աղբյուր՝ Tert.am