Կոլեկցիոներին արգելել են Անգլիայից դուրս հանել Թոմաս Գեյնսբորոյի բնանկարը

ԵՐԵՎԱՆ, 25 ԴԵԿՏԵՄԲԵՐԻ, Panorama.am: Անգլիացի նկարիչ Թոմաս Գեյնսբորոյի նկարներից մեկն արգելել են հանել Մեծ Բրիտանիայից: Խոսքը գնում է 1773 թ. Going To Market, Early Morning կտավի մասին: kulturomania.ru-ի հաղորդմամբ, որոշումն ընդունել է Բրիտանիայի մշակույթի նախարուրությունը:

Արգելքը դրված է մինչև 2020 թվականի մարտ: Հայտնի է, որ նկարը պատկանում է անհայտ կոլեկցիոների, որն այն ձեռք է բերել Անգլիայում հուլիսին կայացած աճուրդում 10,3 միլիոն դոլարով: Կոլեկցիոները մտադրվել էր նկարը տանել արտասահման և դրա համար դիմել էր անհրաժեշտ թույլտվության: Նախարարության պատասխանը եղել է բնանկարը երկրից դուրս հանելու ժամանակավոր արգելքը: Անհրաժեշության դեպքում արգելքի ժամկետը կարող է երկարաձգվել:

«Գեյնսբորոյի բրիտանացի ամենահայտնի բնանկարիչներից է, նրա աշխատանքները նախկինի պես, գրեթե դրանք ստեղծելուց 250 տարի անց, գրավում են մեծ լսարաններ»,- ասել է Բրիտանիայի մշակույթի փոխնախարարը:

Նա նշել է, որ նկարի դուրս հանումը մեծ կորուստ կլինի: Փոխնախարարը հույս է հայտնել, որ ստեղծագործությունը կգտնի բրիտանացի գնորդ, այն կման ազգային հավաքածուի մասին: