Արարատի մարզում կորոնավիրուսի նոր դեպքեր կան

ԵՐԵՎԱՆ, 8 ԱՊՐԻԼԻ, Times.am: Արարատի մարզում, վերջին տվյալներով, կորոնավիրուսի 2 նոր դեպք ունենք, ֆեյսբուքյան իր էջում հայտնել է մարզպետ Գարիկ Սարգսայնը։

Վարակակիրների ընդհանուր թիվն այս պահին 175 է։

«Ցավոք, Արտաշատի բժշկական կենտրոնում առավոտյան արձանագրվել է մահվան դեպք։ Երևան քաղաքի բնակիչ 93-ամյա պացիենտն ունեցել է կորոնավիրուսային հիվանդություն, հաստատված աջակողմյան թոքաբորբ։ Տղամարդն ունեցել է ուղեկցող խրոնիկ հիվանդություններ, այդ թվում՝ շագանակագեղձի քաղցկեղ, զարկերակային հիպերտոնիա։

Շատ կարևոր է, որ շարունակենք խստագույնս պահպանել պարետատան բոլոր ցուցումները։ Հիմա, առավել քան երբևէ, պետք է լինաենք պատասխանատու և համախմբված։ Տանը մնալով օգնում ենք մեր երկրին հաղթահարել այս լուրջ մարտահրավերը», – նշել է Գարիկ Սարգսայնը: