Բենզեման կհեռանա Ռեալից, եթե ակումբը գնի Մբապպեին

ԵՐԵՎԱՆ, 26 ՀՈԿՏԵՄԲԵՐԻ, Armsport.am: Մադրիդի «Ռեալը» մտադիր է հաջորդ ամռանը ձեռք բերել ՊՍԺ-ի հարձակվող Կիլիան Մբապպեին: Այս մասին հաղորդում է Goal-ը:

Հաղորդվում է, որ եթե մադրիդյան ակումբը ձեռք բերի երիտասարդ հարձակվողին, ապա Կարիմ Բենզեման կկորցնի իր տեղը առաջին թիմում, և կդիտարկի մադրիդյան ակումբից հեռանալու տարբերակները:

Նշվում է, որ 2021 թվականի ամռանը Բենզեման կարող է տեղափոխվել Պրեմիեր լիգա: Ֆրանսիացին կցանկանար ուժերը փորձել նոր առաջնությունում: Բացի այդ, Բենզեման կարծում է, որ դեռ կարող է խաղալ բարձր մակարդակով, իսկ Անգլիայի առաջնության ինտենսիվությունն իր համար խնդիր չի լինի:

Եթե ​​հարձակվողը որոշի հեռանալ Մադրիդի «Ռեալից», «Լիվերպուլն» ու «Չելսին» կդառնան Բենզեմայի տրանսֆերը գնելու հիմնական հավակնորդները: